Font   font-increse   font-dicrese

रिलिज अगाडि नै 'हिम्मतवाली'ले उठायो लगानी

 

रेखा फिल्मसका अनुसार सिनेमा 'हिम्मतवाली'ले रिलिज अगाडि नै लगानी सुरक्षित गरेको छ । आउँदो दशैं फूलपातिमा रिलिज हुने फिल्मले ओभरसिजबाट मात्र १ करोड ग्रस आम्दानी गर्ने जनाइएको छ ।

मोफसल वितरण अधिकार वितरक उज्वल पौडेललाई ४० लाखमा बेचेकी रेखाले संगीत राइट १० लाखमा बुढासुब्बा म्युजिकलाई बिक्री गरिसकेकी छन् । संगीत राइटबापत फिल्मले पब्लिसिटी खर्च उठाएको छ ।

रेखाका अनुसार युरोपका बीस ठाउँ, अमेरिका १५ ठाउँ, क्यानडा ४ ठाउँ, अष्ट्रेलिया, जापान, दक्षिण कोरियामा सिनेमाको राइट बिक्री भैसकेको र अधिकांश मुलुकमा डिल भैसकेको छ । ‘हामीले विदेशबाटै लगानी उठाइसकेका र एक करोड आउने मोटामोटी आंकलन छ’ रेखाले भनिन् ।

फिल्मका अभिनेता सुदर्शन गौतमले पनि रेखालाई ओभरसिज प्रदर्शनमा सघाएका छन् । रेखा थापाका फिल्म मुलुकमा प्रतीक्षित हुने गर्दछन् । अपांगता भएकाको कथा पेश गर्ने सिनेमालाई रेखा स्वयमले निर्देशन गरेकी हुन् । मुख्य अभिनेत्री पनि उनै हुन् ।

54 dislike 16

Facebook Comments
Murder on the Orient Express
Shinetech Nepal Pvt. Ltd.
Music Vimeo - Wake Up Everyday With New Music
Firke
Voting Poll
Sorry, voting poll not found.